Pagharap ni PNoy sa Pinoy

Si Pang. Aquino sa Manila Hotel, Hunyo 24, bago tanggapin ang "Outstanding Manilan" award.

Sunud-sunod ang panggulat sa bayan ni Pangulong Noynoy Aquino. Marahil dahil nasanay tayo sa nakaraang pamahalaan, bawat gawin nyang bago ay malaki nang bagay.

Ang pag-iwas sa wangwang. Ang pagkaipit sa trapik. Ang pagiging takda sa oras. Ang magiliw na pakikitungo sa media. At ang SONA sa wika ng lahat.

Pinapakita lang ng pangulo na kailangan nyang mapalapit sa mamamayan. Siyam na taon silang maituturing na nawalay sa gobyernong nasangkot sa mga kontrobersyang hindi nito pinagtuunang isagot.

Kaya naman, bawat pagkakataong makasagot, sinasamantala ngayon.

Nagtungo kami sa Tagaytay kasama sila Ron Gagalac ilang araw pagkaupo ni PNoy. Pinag-seminar doon ang mga mambabatas mula sa Partido Liberal. Kailangan mailahad ang mga isusulong nila sa ika-15 na Kongreso.

“Pep talk” at pagpapanumpa sa mga kapartido ang sadya lang ng Pangulo. Pero matapos ang hapunan at isang yosi break, lumapit na sya sa mga reporter na hindi nakaabot sa kanyang talumpati.

Ilang araw bago ang kanyang ulat sa bayan, naisingit pa ni Pangulong Aquino ang makisalo sa mga mamamahayag na sumundot sa kanya noong kampanya. Isa itong eksenang matinding inilarawan ni Jorge Carino.

Pinapakita rin ni PNoy na kailangan ng pamahalaan nya ang media.

Kung tutuusin, iba-iba ang bawat pangulo humarap sa media. Aralin yan sa peryodismo tuwing Malacanang na ang usapin.

Kadalasan, kung ano ang imaheng ipinapakita ng pangulo sa mga cameraman at reporter ay syang imaheng lumalabas sa dyaryo at primetime newscast, at nagiging imahe sa mata ng mamamayan.

Pangamba ng ilan, baka matulad si Pangulong Noy sa ilang nauna sa kanya–sa una’y magiliw, at pagkaputok ng mga isyu, ay tuluyan nang iiwas.

May nagsasabing ramdam na ang mga sintomas nyan sa una nyang State of the Nation Address.

Wala itong PowerPoint at walang poster boy. Dagdag ni PNoy, “Walang quota-quota, walang tongpats.” Pero wala ring repormang agraryo, walang Hasyenda Luisita, walang pagtaas sa sweldo, at walang foreign policy.

Kung SONA ang buod ng mga prioridad ng administrasyon, maraming umaasa ang mabibigo, batay sa mga nasabi–at hindi nasabi–noong Lunes.

Pati noong kilos-protesta sa Commonwealth, kung saan ako nadestino, tumigil ang mga megaphone para makinig din.

Hindi nga lang nadinig ang nais ng lahat ng naroon. May kulang pa raw. Na inayunan din ng mga kasabayan kong peryodista sa UP.

Puna ni Carlos Maningat, habang ginagatungan ni PNoy ang galit sa nakaraang administrasyon, parehong ekonomikong pananaw ang kiling pa rin nito.

Naghahanap ng mga konkretong solusyon sa mga nakagigimbal na panggulat si Kim Patria. At nagtatanong si Andre Obidos kung ano ang naghihintay sa dulo ng tuwid na daan.

Walang lugar para sa lahat ng mga problemang minana ng administrasyon. Maaalalang pinaikli na nga lang ang SONA na ito mula sa 30 pahina upang maihatid sa loob ng 30 minuto.

Pero magandang simula ang pananagalog, ayon kay Mimi Diola. Di bale nang dumugo ang ilong ng mga banyagang diplomat kesa naman ang taumbayan.

Hamon naman ng mga raliyista kay PNoy na wag matulad sa ginawa nilang imahe ng magikero na puro bula ang maibibigay na pangarap.

May anim pa namang taon–at anim pang paghaharap–ang Pangulo.

* * * * *

Huling hirit: Kalahati dahil sa ginawa ng Pangulo sa SONA at kalahati dahil sa paghihikayat ng aking boss na magensayo paminsan minsan. Anong tingin nyo sa pagsulat ko sa Filipino?

About these ads

7 comments on “Pagharap ni PNoy sa Pinoy

    • You should, Mimi! Thanks for adding to the plethora of published SONA-related opinion.

      So, you didn’t notice any irregularities with my native writing? Haha.

  1. Marapat lamang na paminsan-minsan nga’y magsulat tayo sa Filipino. Ngunit minsa’y nakakatuwang magbasa ng akda ng taong sanay magsulat sa Ingles. Tila nag-isip sa Ingles at isinalin lamang sa Filipino. HAHA.

    Salamat sa iyong link! Kudos sa PinoyJourn!

    • Totoo Kim!! Haha. Nakikita mo ang Ingles ko sa pagsulat na ito? Naku, iniwasan ko pa naman. Kumento ng kaibigan sa Twitter, parang mas bihasa ako sa Ingles, na totoo naman dahil kinasanayan. Bakit kaya?

  2. Pingback: PNoy meets UP « PinoyJourn: Stories behind the Stories

  3. Pingback: Balik-gisaan sa FOCAP « PinoyJourn: Stories behind the Stories

  4. Pingback: Balik-gisaan sa FOCAP | PinoyJourn: Stories behind the Stories

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s